06:25AM
Isang 36-anyos na lalaki; pinagbabaril patay sa Bannawag, Cotabato
Dead on the spot ang isang 36 na taong gulang na lalaki makaraang ratratin gamit ang 30 M1 garand sa purok Pagkakaisa, Bannawag, Cotabato dakong alas 8:50 nitong Sabado ng gabi.
Kinilala ng Kabacan PNP ang biktima na si Hansel Risuso, may asawa at residente ng nabanggit na lugar.
Batay sa report ng Kabacan PNP boluntaryo namang sumuko ang salarin na nakilalang si Richard Maslog Dalion, 48, may asawa at residente ng nabanggit na brgy kay Brgy. Bannawag Chairman Gerson Laoagan matapos ang insedente.
Nasa kustodiya na ng Kabacan PNP ang suspetsado habang nagpapatuloy ang imbestigasyon at inaalam ang motibo ng nasabing pamamaril.
Walang komento:
Mag-post ng isang Komento