(Libungan, North Cotabato/ May 5, 2014) ---Arestado ang dalawang mga carnapper ng tangkang tangayin ang isang XRM na motorsiklo sa Poblacion ng Libungan, Cotabato kamakalawa.
Kinilala ni PCI Bernard Tayong, hepe ng Libungan PNP ang dalawang mga suspek na sina Rahib shariff Usman, 30-anyos, may asawa at Basher Cabunsuan na pawang mga residente ng Lumopog, Midsayap, North Cotabato.
Nahuli ang dalawa habang pinuputol
ang engine wire ng isang XRM motorcycle at pinag-tangkaan pang tangayin ang nasabing sasakyan.
Ang motorsiklo ay pag-mamay-ari ng isang Alcoran na residente ng nasabing lugar na nakaparada sa harap ng Aria's residence.
Bukod dito, narekober pa ng mga pulisya mula sa dalawang suspek ang isang Taurus 9mm Pistol, walang serial
number, na may 13 bala, at isang
itim na shoulder bag na may lamang isang bala ng
calibre .45, at 17 bala ng 9mm
pistol.
Sa ngayon
inihahanda na ang isasampang kaso sa dalawa at kasalukuyang nakapiit
ngayon sa Libungan PNP Lock up cell. Rhoderick Beñez with report from Davie Jame Apostol
Castillo, USM Devcom Intern
Walang komento:
Mag-post ng isang Komento