Welcome Class 2015

Welcome Class 2015

Sa lahat ng mga sumuporta sa ating programa at aktibidad sa ika-siyam na taong anibersaryo ng DXVL FM! Maraming Maraming salamat po sainyu! Sa aming mga sponsors at mga mga naging katuwang sa Tree growing Activity, Bloodletting Activity at sa Hatawan Para sa Batang Nangangailangan, taos puso po kaming nagpapasalamat… hanggang sa susunod na taon Kakoolitan…

DXVL Staff

...

Kasunduan sa pagitan ng pamunuan ng USM at bansang Thailand ukol sa halal industry, ilalarga na sa 2016

Photo courtesy from FB of Dr, Josephine Migalbin
(USM, Kabacan, North Cotabato/ January 8, 2015) ---Ilalarga na sa taong 2016 ang naudlot na kasunduan noong 2013 sa pagitan ng pamunuan ng University of Southern Mindanao at ng bansang Thailand ukol sa halal training and development center na may pondo na nagkakahalaga ng 8 milyon. 

Ito ay ayon sa panayam ng DXVL kay USM pres. Garcia.

Hindi pag-refund ng mga travel expenses ng ilang mga guro, sinagot ni Supt. Omar Obas

(Amas, Kidapawan City/ January 8, 2015) ---Pinarating ng ilang mga guro ang kanilang reklamo ukol sa hindi pag- refund ng kanilang sariling gastos para sa mga isinasagawang district level conferences at meetings.

Itinanggi naman ni Cotabato School’s Division Superintendent Omar Obas  ang reklamo ukol dito.

Iginiit nito na kasinungalingan lamang ang inirereklamo ng mga guro ukol sa hindi pag- refund sa kanilang sariling gastos.

USM Pres. Garcia, inaming kulang ang Plantilla items ng mga guro sa USM

(USM, Kabacan, North Cotabato/ January 8, 2015) ---Aminado si University of Southern Mindanao o USM President Dr. Francisco Gil Garcia na nagdaranas ng kakulangan sa faculty ang USM at iba pang state universities hindi lamang sa faculty kundi kakulangan din sa Plantilla items.

Ginawa ng Pangulo ang reaksiyon sa DXVL News matapos ang ginawang panukala ni Congressman Roman Romulo at ng kanyang mga komitiba na bigyan ng dagdag na items ang state universities and colleges dahil ang karamihan sa mga empleyado nito ay Contract of Service o COS lamang.

One Network Bank o ONB, nakatakdang bibilhin ng BDO?

(Kabacan, North Cotabato/ January 8, 2015) ---Pinalawak ng BDO Unibank, Inc ang serbisyo nito sa Southern Philippines sa pamamagitan ng pagbili ng One Network Bank, Inc o ONB na may mahigit isandaang sangay sa Mindanao at sa isla ng Panay.

Sa isang kalatas na ipinarating sa DXVL News ng pamunuan ng ONB, umabot sa 28.1 bilyong piso ang total asset ng ONB, net loans na 19.7 bilyon at deposit franchise na nagkakahalaga ng 17.9 bilyong piso noong September 30 ng nakaraang taon.

Reklamo re: Delayed na pag-release ng PBB ng ilang mga guro sa Cotabato Division, ipinaliwanag ng School’s Superintendent

(Amas, Kidapawan City/ January 8, 2015) ---Inireklamo ng ilang mga guro partikular sa paaralan ng Carmen South District ang delayed na pag- release ng kanilang Performance Based Bonus o PBB na hanggang ngayon raw ay hindi pa nila natatanggap.

Agad namang sinagot ni Cotabato School’s Division Superintendent Omar Obas ang nasabing reklamo sa panayam ng DXVL News.

Aniya, ang dahilan umano nito ay malaki ang sakop ng Cotabato Division at hindi rin agad dumating ang Notice of Cash Allocation o NCA mula sa Department of Budget and Management o DBM.

Kaniya na rin itong naipaliwanag sa isinagawang ManCom noong December 23 ng nakaraang taon na hindi nila matatanggap ang kanilang PBB sa New Year.

Kabacan, muling binalot ng bomb scare

Photo courtesy By: Eduard Salinas, PCC-USM
(Kabacan, North Cotabato/ January 8, 2015) ---Negatibo sa anumang pampasabog ang nakitang suspected IED sa panulukan ng Diego Silang St., at National Highway, Poblacion, Kabacan, Cotabato bago mag alas-8:00 ngayong umaga lamang.


Sa nakalap na report ng DXVL News, isang lata na naglalaman ng pagkain ang laman ng nasabing suspected na baggage.

Pawnshop, hinoldap; guwardiya utas

Photo by: Ryan Silva of Sto. Nino, So.Cot
(North Cotabato/ January 7, 2015) ---Maagang sinalubong ni kamatayan ang isang guwardiya makaraang mapatay sa nangyaring hold-up sa Palawan Pawnshop sa public market sa bayan ng Sto. Niño, South Cotabato alas 1:30 ngayong hapon lamang.


Kinilala ni Police Chief Inspector Joel Fuerte ang biktima na si Richard Tabalong na walang abu-abong pinagbabaril ng mga suspek sabay pasok sa nasabing pawnshop.

Naka-upo lamang si Tabalong sa pwesto nito ng binaril ng mga suspek.

Nakasuot umano ng camouflage ang mga suspek at naka-sombrero na ngayon tinutugis na ng mga pulis.

Habal-habal driver, pinabulagta!

(North Cotabato/ January 7, 2014) ---Bulagta ang isang habal-habal driver makaraang pagbabarilin ng riding tandem sa harapan ng Notre Dame of Dadiangas University (IBED) sa Calina St, Brgy. Lagao sa lungsod ng Heneral Santos alas 11:40 kagabi.

Kinilala ng mga pulisya ang biktima na si Mark Lester Menesis Tupas, 24, isang part time habal-habal driver, mayroong ka-live-in partner at pansamantalang naninirahan sa Carcon Village, Brgy. Lagao, GenSan.

Misis na ayaw magpasiping, sinaksak ng mister

(North Cotabato/ January 7, 2015) ---Kalaboso ang isang mister makaraang saksakin nito ang misis na ayaw magpasiping sa kanya sa Barangay Gang, Sultan Kudarat, Maguindanao kagabi.

Kinilala ni PSI Esmael Madin, ang hepe ng Sultan Kudarat Maguindanao PNP ang suspek na si Mohadin Abdul, 35 anyos habang sugatan naman ang mismong misis nitong kinilalang si Samra Abdul, 30 anyos kapwa residente ng nasabing lugar.

Transaksiyon sa LGU Kabacan, tiniyak na maayos –ayon sa Alkalde

(Kabacan, North Cotabato/ January 7, 2015) ---Inihayag ni Kabacan Mayor Herlo Guzman Jr. na patuloy pa rin ang trabaho ng mga mangagagawa ng lokal na pamahalaan ng Kabacan sa kabila ng nangyaring panloloob at panraransak sa Kabacan treasurer’s office.

Ayon kay Mayor Guzman, main office lamang ng treasurer’s office ang sumasailalaim sa malalimang imbestigasyon ng Scene of the Crime Operatives o SOCO kaya business as usual pa rin lalo na at maraming mga negosyante ang nagre renew ng business permit ngayong buwan.

Business One Stop Shop ng LGU Kabacan, magsisimula na ngayong araw

(Kabacan, North Cotabato/ January 7, 2015) ---Magsisimula na ngayong araw ang Business One Stop Shop o BOSS ng LGU Kabacan na taunang isinasagawa para sa mga kukuha at magrerenew ng kanilang Business Permit sa loby ng Municipal Hall.

Ayon kay LGU Kabacan Administrative Officer Cecilia Facurib, magtatapos ang nasabing programa sa Pebrero a-7 sa susunod na buwan.

Binibining Pilipinas-Universe MJ Lastimosa nasa Amerika na at handang-handa na para sa Ms. Universe 2015

Photo by: Ralph Ryan Rafael
(Kabacan, North Cotabato/ January 7, 2015) ---Kasalukuyang nasa Amerika na ang pambato ng Pilipinas para sa Miss Universe 2015 na si Mary Jane “MJ” Lastimosa na tubong Tulunan, North Cotabato. 

Sa panayam ng DXVL news kay Executive Assistant to the Governor Ralph Ryan Rafael na tumulak papuntang Amerika si MJ noong Sabado January 3.

Inihayag din ni Rafael na sa kauna –unahang pagkakataon na ang pambato ng Pilipinas para sa Miss Universe ay hindi nag-ensayo sa bansang Columbia kundi dito sa Pilipinas partikular na sa Kagandahang Flores Camp.

Kabilang din sa paghahandang ginawa ni MJ ang pagda-diet at pag eehersisyo sa gym upang matamo ang ninanais na katawan at kagandahan para sa Ms.Universe 2015.

Retaliation ng grupong BIFF, pinaghahandaan ng Militar

(North Cotabato/ January 6, 2015) ---Nagpapatuloy ngayon ang pursuit operation ng militar laban sa grupong Bangsamoro Islamic Freedom Figthers o BIFF matapos makubkob ang kampo ng mga ito sa Sitio Pedtad, Brgy Midpandacan, General Salipada K. Pendatun, Maguindanao kahapon.

Sinabi ni 6th ID spokesperson Joan Petinglay ginawa ang law enforcement operation ng militar at pulisya kontra sa nasabing grupo matapos ang panghaharas ng BIFF sa dalawang detachment ng 33IB sa Maguindanao noong linggo.

Clearing of irrigation canals isinusulong ng mga magsasaka sa Distrito Uno ng North Cotabato

By: Roderick Rivera Bautista

(Midsayap, North Cotabato/ January 6, 2015) ---Nais ng mga kasapi ng irrigators associations sa Distrito Uno na matutukan ang clearing of drainage canals at maisaayos ang daluyan ng patubig ngayong 2015.

Ito ang idinulog ng mga farmer- irrigators na dumalo sa year- end consultation meeting na pinangunahan ni North Cotabato First District Rep. Jesus Sacdalan.

Paghahain ng COC para sa SK election, nakatakda sa buwan ng Pebrero

(North Cotabato/ January 6, 2015) ---Tatanggap na ng Certificate of Candidacy o COC ang Commission on Elections o COMELEC sa mga lalahok sa Sangguniang Kabataan elections sa February 7, 9, at 10 ng kasalukuyang taon.

Batay sa COMELEC Resolution number 9905, magsisimula ang SK election period mula January 22, 2015, araw ng Huwebes hanggang March 2, 2015, araw ng Lunes, tatlumpung araw bago ang araw ng eleksyon at labinglimang araw pagkatapos nito.

Masusing imbestigasyon sa pagkakaransak ng Treasurer’s Office ng LGU Kabacan, ipinag-utos na ng alkalde

(Kabacan, North Cotabato/ January 6, 2015) ---Agad na ipinag-utos ni Kabacan Mayor Herlo Guzman Jr. ang masusing imbestigasyon sa pagkakaransak ng treasurer’s Office ng LGU Kabacan.

Ito ang sinabi ng opisyal sa panayam sa kanya ng DXVL News kungsaan hinihintay niya ngayon ang resulta ng imbestigasyon ng Kabacan PNP at ng SOCO team.

Kabacan PNP blangko pa sa suspek na responsible sa panloloob sa Kabacan Treasurer’s office

(Kabacan, North Cotabato/ January 6, 2015) ---Blangko pa hanggang sa kasalukuyan ang Kabacan PNP kung sino ang suspek na responsable sa panloloob at panraransak sa Kabacan treasurer’s office.

Ikinokonsidera namang suspek ang lahat ng kawani ng treasurer’s office at mga supek na nasa labas na may rekord ng pagnanakaw.

Karagdagang pwersa ng PNP, ipapakalat ng PRO12

(North Cotabato/ January 6, 2015) ---Karagdagang pwersa ng police personnel ang itatalaga ng Police Regional Office o PRO-12 sa bawat police stations sa buong rehiyon ngayong taon.

Inihayag ni PRO-12 Regional Director Chief Supt. Lester Camba na ang nasabing hakbang ay bahagi ng kanilang pagsisikap na mapaganda pa ang performance ng mga lokal na tanggapan ng PNP lalo na sa pagpapanatili ng peace and order.

Mansion ng mga Ampatuan, pinasabugan!

(North Cotabato/ January 6, 2015) ---Patuloy ngayon ang ginagawang imbestigasyon ng mga otoridad sa nangyaring pagpapasabog ng mga armadong grupo sa mansyon ng mga Ampatuan sa Mother Barangay Shariff Aguak Maguindanao alas 9:40 kagabi.

Sa report na nakarating kay Maguindanao PNP provincial director S/Supt Rudelio Jocson na pinaputukan ng M79 grenade launchers at 60 caliber machine gun ang tahanan ni Shariff Aguak Mayor Marop Ampatuan.

Nene, utas sa engkwentro

(North Cotabato/ January 6, 2015) ---Maagang sinalubong ni kamatayan ang isang siyam na taong gulang na batang babae nang tamaan ito ng ligaw na bala sa lalawigan ng Maguindanao.

Nakilala lamang ang biktima na si alyas Meme, residente ng Barangay Gumagadong, Calawag, Parang, Maguindanao.

(Update) Mahigit P.8M na halaga, nalimas; LGU Kabacan “Business as usual” matapos ang nangyaring panloloob sa treasurer’s Office

(Kabacan, North Cotabato/ January 5, 2015) ---“Business As usual” pa rin sa ngayon ang tanggapan ng treasurer’s Office ng LGU Kabacan sa kabila ng nangyaring pagransak sa nasabing opisina.

Ito ayon kay Municipal Treasurer Prescilla Quiñones sa panayam sa kanya ng DXVL News.

Sa katunayan, ayon sa opisyal ay marami pa rin ang pumupunta para kumuha, magbayad at mag-renew ng business permit na pormal ng nagsimula ang transaksiyon kahapon.

Total Ban ng paputok sa Cotabato city, isinusulong ng Alkalde

(Cotabato city/ January 6, 2015) ---Isusulong ni Cotabato City Mayor Japal Guiani Jr. na maipasa sa Sangguniang Panglungsod at maipatupad sa unang bahagi ng 2015 ang total ban sa pagbebenta at paggamit ng ilegal na paputok sa Cotabato City.

Una ng nagpalabas ng kalatas ang punong ehekutibo na nagbabawal sa pagbebenta at paggamit ng mga paputok sa pasko at bagong taon.

Ginawa ng opisyal ang hakbang matapos na nakapgtala ang lungsod ng abot sa 11 kaso ng firecracker related injuries sa kabila ng mahigpit na pagpaputupad ng City Government sa Executive order 130.

Training Camp ng BIFF nakubkob ng militar

(North Cotabato/ January 6, 2015) --Nakubkob ng militar ang sinasabing training camp ng BIFF matapos ang isinagawang mortar shelling at ground assault ng militar sa bahagi ng Sitio Pedtad, Gen. Salipada K. Pendatun sa lalawigan ng Maguindanao kahapon.

Ayon kay 33rd IB Commander Col. Markton Abo na mabilis na nagsipulasan ang mga rebeldeng grupo at inabandona ang kanilang kampo.

Brgy. Chairman ng Carmen, North Cotabato itinumba ng tandem

(North Cotabato/ January 6, 2015) ---Patay ang punong barangay makaraang pagbabarilin ng mga di pa nakilalang mga riding in tandem assassins sa National Highway ng Brgy. Ugalingan, Carmen, North Cotabato dakong alas 12:00 ng tangahali kahapon.

Kinilala ni PSI Basilio Parcon, ang OIC Chief of Police ng Carmen PNP sa panayam ng DXVL News Radyo ng Bayan ang biktima na si Brgy. Chairman Eliazar Pilapil na nagtamo ng tama ng bala sa dibdib nito.

2 Sundalong nasawi, binigyan ng heroic military honors

(North Cotabato/ January 5, 2014) ---Pinarangalan ng 6th Infantry Division, Philippine  Army ang dalawang nasawing sundalo matapos ang nangyaring magkahiwalay na pang-aatake ng pinaniniwalaang miembro ng Bangsamoro Islamic Freedom Figthers o BIFF sa military detachment ng 33IB, 6ID sa Shariff Aguak, Maguindanao .

Binigyan ng heroic military honors sina Cpl Daniel T Valenzuela III at PFC  Karl Bernie D Arriba nga naihatid na sa kanilang pamilya sa San Isidro Lagao, General Santos City at Malita, Davao Del Sur.

Trader ng paputok na may paglabag sa batas, kakasuhan

(North Cotabato/ January 5, 2015) ---Kasong paglabag sa Republic Act 7183 or the “Act Regulating the Sale, Manufacture, Distribution and Use of Firecrackers and other Pyrotechnic Devices” ang isasampa ng mga otoridad sa mga traders na nahuling nagbebenta ng ilegal na paputok noong panahon ng Kapaskuhan at bagong taon.

Ang nasabing deriktiba ay ipinag-utos ni Police Regional Office-12 Regional Director Chief Supt. Lester Camba sa lahat ng mga police stations ng Rehiyon.

Bahay-Aliwan, hinagisan ng granada

(Sultan Kudarat/ January 5, 2015) ---Pinasabog ng mga miyembro ng Explosive Ordnance Disposal (EOD) Team ng kapulisan ang hinagis na granada sa Barako bar malapit sa national highway ng Isulan, Sultan Kudarat ala-1:35 kaninang umaga.

Agad inireport sa himpilan ng pulis ng isang empleyado ng bar ang insedente na nirespondehan ng EOD Team.

Kasambahay, itinumba!

(North Cotabato/ January 5, 2015) ---Pinabulagta ng mga di pa nakilalang mga armadong kalalakihan ang isang kasambahay matapos barilin sa loob mismo ng bahay nito sa Purok Bonifacio, Barangay Cinco, Banga, South Cotabato.

Kinilala ang biktima na si Dave Lemuel Mendiola biente sais anyos.

Lumabas sa inisyal na imbistigasyon ng Banga PNP habang kumakain ng pananghalian ang biktima pumara ang isang motorsiko sa harap ng

Humigit kumulang sa P.5M na cash at mga tseke natangay matapos looban ang treasurer’s Office ng LGU Kabacan

(Kabacan, North Cotabato/ January 5, 2015) ---Tinatayang aabot sa mahigit kumulang sa kalahating milyun ang nalimas matapos na ma-ransak ng mga di pa nakilalang mga suspek ang treasurer’s Office ng Pamahalaang Lokal ng Kabacan.

Ito ayon kay PCI Elnor Melgarejo ang hepe ng Kabacan PNP.

Batay sa ulat ng kapulisan, alas 9:00 kahapon ng umaga ng madiskubre ng isang empleyado ng munisipyo na kinilalang si Maria Ressa Galay na bukas na ang pintuan ng kanilang opisina at nawawala ang padlock nito.

Mabilis na inireport ni Galay ang insidente sa Kabacan PNP na di kalayuan lamang sa Municipal Hall kaya agad na tinungo ng Scene of the Crime Operatives o SOCO ang crime site.

Retaliation ng pagkakahuli ng isang tulak droga, isa sa mga anggulong sinusundan sa pagpapasabog sa bayan ng Mlang

(Mlang, North Cotabato/ January 5, 2015) ---Posible umanong paghihiganti ng grupo ni Abdul Ajiz Glang na inaresto ng mga otoridad dahil sa illegal na droga ang isa sa mga anggulong sinusundan sa pagpapasabog sa bayan ng Mlang bisperas ng pagsalubong ng bagong taon.

Ito ang sinabi sa DXVL News ni Mayor Joselito Piñol batay naman sa inisyal na pagsisiyasat ng mga otoridad.

Ayon sa alkalde ang nangyari namang pagpapasabog noong Nobyembre a-23 ng nakaraang taon ay posibleng extortion ng grupo ng Bangsamoro Islamic Freedom fighters o BIFF.

Munisipyo ng Kabacan, nilooban

(Kabacan, North cotabato/ January 4, 2014) ---Niransak ng mga di pa nakilalang mga suspek ang treasurer’s Office ng Pamahalaang Lokal ng Kabacan.

Batay sa ulat ng Kabacan PNP, alas 9:00 kaninang umaga ng madiskubre ng isang empleyado ng munisipyo na bukas ang nasabing tanggapan.

Hind pa matukoy na halaga ng cash, tseke at mga alahas ang natangay ng suspek habang nagpapatuloy pa sa mga oras na ito ang ginagawang imbestigasyon ng SOCO.

Tangkang pagpuga ni Lastikman, napigilan

(Maguindanao/ January 4, 2015) --- Napigilan ang sana’y pagtakas ang isang High Risk Criminal sa bilangguan ng Maguindanao Provincial Jail.

Ayon kay Maguindanao Provincial Jail Warden Armando Baguamama na ilang flat at round bars na ang naputol sa pamamagitan ng paglagare sa selda 6.

Kinilala ang  high risk detainee na si Datukan Sama alyas Commander Lastikman, 49-anyos, nahaharap sa kasong multiple murder,  frustrated multiple murder, kidnapping at carnapping sa Maguindanao at North Cotabato.

Mister binoga

(South Cotabato/ January 4, 2015) ---Dead-on-the-spot ang isang lalaki makaraang paulanan ng bala ng riding in tandem sa tahanan nito sa Purok Bonifacio, Bario 5, Banga, South Cotabato kahapon.

Kinilala ni PO3 Chrislino Arang, ng Banga PNP,  ang biktima na si Dave Lemuel Leonida Mendiola, 26, binata at residente ng lugar.

Sa inisyal na imbestigasyon, kumakain umano ito sa loob ng kanilang tahanan  ng dumating ang dalawang suspek na nakasakay ng kulay asul na motorsiklo na walang plate number.

Rape Suspek sa Matalam, North Cotabato; arestado!

(North Cotabato/ January 4, 2015) ---Bumagsak sa kamay ng otoridad ang isang tatay na responsable sa panggagahasa sa mismong anak nitong 10-anyos sa isinagawang operasyon ng Criminal Investigation and Detection Group-North Cotabato habang pauwi sa bahay nito sa Sitio Buguak, Brgy. Kibia, Matalam, North Cotabato alas 2:45 ng hapon kahapon.

Sa report ni SPO1 Froilan Gravidez ng Matalam PNP kinilala ang suspek na si Jimmy Cañedo Herbolingo, 37-anyos, may asawa, magsasaka at residente ng nasabing lugar.

Committee Report ng BBL, isasapinal na sa Pebrero

(North Cotabato/ January 3, 2015) ---Inaasahang isasapinal na ang committee report kaugnay sa proposed Bangsamoro Basic Law (BBL) sa Pebrero.

Ito ang pangako ng lider ng House of Representatives matapos tanggalin ang unconstitutional provisions sa nasabing panukalang batas.

Matapos na maisapinal agad na isusunod nila ang deliberasyon sa unang linggo ng Marso para mapirmahan ito ng Pangulong Aquino sa Marso 30.

Inihayag ito ni Cagayan de Oro Rep. Rufus Rodriguez, chairman ng ad hoc committee na sa ngayon, nasa 34 public hearings na ang isinagawa ng ad hoc panel, na kinabibilangan ng 75 mambabatas.

Army Detachment sinalakay; 1 sundalo bulagta; 3 sugatan

(North Cotabato/ January 3, 2015) ---Bulagta ang isang kasapi ng militar habang tatlong iba pa ang sugatan makaraang salakayin ng mga elemento ng Bangsamoro Islamic Freedom Fighters o BIFF ang detachment ng mga sundalo sa bayan ng President Quirino, Sultan Kudarat kagabi.

Kinilala ni 6th ID Spokesperson Army Capt Joan Petinglay ang nasawing sundalo na si Corporal Daniel T Valenzuela II habang sugatan naman sina Private First Class Gerry Gorgonio, Private First Class Bryan Baylon, Private First Class Joel Abellar.

Kasapi ng abu, dumarami

(North Cotabato/ January 3, 2015) ---TUMAAS ang bilang ng mga miyembro ng Abu Sayyaf Group sa taong 2014.

Ito ang kinumpirma ni AFP Public affairs Chief Lt. Col. Harold Cabunoc.

Sinabi ni Cabunoc na base sa kanilang datos, umabot sa 423 ang bilang ng mga ASG noong nakalipas na taon, kumpara sa 385 na bilang noong 2013 at 398 na miyembro noong 2012.

Misis, utas sa lasing na Mister

(Maguindanao/ January 3, 2015) ---Kalaboso ang isang mister makaraang inundayan ng saksak ang mismong Misis nito sa Brgy. Sarmiento, Parang, Maguindanao.

Sa report ng Parang PNP Kinilala ang biktima na si Hermilinda Manggubat, 50 anyos habang ang suspek na mister nito na si Apolinario Tonatos, 50 anyos.

Lumalabas sa inisyal na pagsisisysat ng mga kapulisan na nakainum na ang mag asawa ng magkasagutan hanggang sa humantong sa pananaksak kungsaan nagtamo ng saksak ang biktima sa kanyang dibdib dahilan ng kanyang kamatayan.

3 biktima ng stray bullet sa SOCSKSARGEN –DOH 12

(North Cotabato/ January 2, 2015) ---Tatlo ang naiulat na biktima ng stray Bullet mula sa Cotabato City, North Cotabato at Saranggani Province.

Ito ayon kay Department Of Health Regional Director Dr. Teogenes Baluma na isa sa biktima nito ay isang tatlong taong gulang na bata na natamaan ng ligaw na bala sa kanyang kaliwang mata sa kasagsagan ng pagsalubong ng bagong taon.

DOH 12, ikinadismaya ang mataas na bilang ng mga biktima ng paputok

(North Cotabato/ January 2, 2015) ---Sa kabila ng kampanya ng Department of Health o DOH 12 ng iwas paputok sa pagsalubong ng bagong taon, mas mataas naman ang nabiktima nito ngayong pagpasok ng 2015.

Ayon kay Department Of Health Regional Director Dr. Teogenes Baluma umabot na sa 93 cases ang nabitkima ng paputok sa rehiyon sa pagsalubong ng bagong taon, sa ginawang monitoring ng ahensya hanggang alas sais ngayong umaga.

Sinabi ni Baluma na mas mataas ng 50 percent ang bilang ng mga biktima ng fire cracker ngayon taon kumpara noong 2013.

2 patay, 34 sugatan sa pagsabog sa Mlang, Cotabato; Gov. Lala kinondena ang nasabing bombing

(Mlang, North Cotabato/ January 2, 2015) ---Agad na kinondena ni Cotabato Governor Emmylou”Lala” TaliÅ„o Mendoza ang panibago na namang pagpapasabog sa bayan ng Mlang alas 3:40 ng hapon sa bisperas ng pagsalubong ng bagong taon.

Sa isang kalatas na ipinarating ng opisyal tinawag nitong “act of barbarism” ang naturang pagpapasabog kasabay ng pag-aatas nito sa Pamahalaang Lokal ng Mlang at ng mga kapulisan na gawin ang lahat para tiyakin ang kaligtasan ng mga residente sa lugar.

Nakaw na motorsiklo, narekober ng Task Force Pikit

(Pikit, North Cotabato/ January 2, 2014) ---Narekober ng Task Force Pikit ang isang nakaw na motorsiklo sa bahagi ng Brgy. Inug-og, Pikit, North Cotabato alas 5:00 kahapon ng hapon.

Ayon kay Supt. Jordine Maribojo, ang Commanding Officer ng TF Pikit na habang nagsasagawa ng highway check ang mga elemento ng Pikit PNP ng kanilang pinara ang dalawang lalaki na lulan ng motorsiklo.

Pagsalubong ng Bagong taon sa bayan ng Kabacan, Generally Peaceful! Zero case sa Fire Cracker Incident

(Kabacan, North Cotabato/ January 2, 2015) ---Naging mapayapa sa pangkalahatan ang pagsalubong ng bagong taon at pagdiriwang ng kapaskuhan sa bayan ng Kabacan.

Ito ang sinabi sa DXVL Radyo ng Bayan ni PCI Ernor Melgarejo, ang hepe ng Kabacan PNP.

Ito matapos na inilagay sa heightened alert ng Kabacan PNP ang antas ng kanilang seguridad.

Isang istasyon ng Radyo sa Cotabato city OFF Air matapos tamaan ng ligaw na bala

(Cotabato City/ January 2, 2015) ---Pansamantalang hindi muna mapapakinggan sa ere ang istasyon ng 89.3 Brigada News FM sa Cotabato city makaraang tamaan ng ligaw na bala nitong gabi ng bisperas ng pagsalubong ng bagong taon.

Sa impormasyong mula kay Dennis Arcon ang News reporter ng nasabing himpilan, tinamaan umano ng bala ng kalibre .45 na pistol ang kanilang mixer dahilan kung bakit napahinto ang operasyon ng nasabing istasyon.