KAWIKAANG KAYAMANAN!

1 Una sa lahat, ipinapakiusap kong idulog ninyo sa Diyos ang inyong mga kahilingan, panalangin, pagsamo, at pasasalamat para sa lahat ng tao. 2 Idalangin rin ninyo ang mga hari at maykapangyarihan, upang tayo'y makapamuhay nang matahimik, mapayapa, maka-Diyos at marangal. 3 Ito ang mabuti at nakalulugod sa Diyos na ating Tagapagligtas. 4 Ibig niyang ang lahat ng tao ay maligtas at makaalam ng katotohanang ito.

1 Timoteo 2:1-4



Jobs Fair, nagsimula na sa Kidapawan City


(Kidaapwan City/ May 1, 2013) ---Nananawagan ngayon si Dept. of Labor and Employment o DOLE North Cotabato Field Office Labor Officer Edna Sales sa lahat ng mga job seekers na samantalahin ang jobs fair na isinasagawa ngayon sa Kidapawan City. Kasabay ng Labor Day ngayong araw.

Sa panayam ng DXVL Radyo ng Bayan sa opisyal, gagawin ang nasabing aktibidad sa DepEd Convention sa Kidapawan Pilot Central Elementary School na nagsimula kaninang alas 8:30 ng umaga hanggang mamayang hapon.

Iba’t-ibang food products buhat sa Niyog; ituturong bilang Livelihood program ng isang NGO sa pamamagitan ng religious sector sa Kabacan


(Kabacan, North Cotabato/ May 1, 2013) ---Magtuturo ang UPLOADS Jobs for Mindanao, isang Non government Organization o NGO ng iba’t-ibang livelihood programs sa darating na a-Singko ng Mayo sa Kabacan.

Ayon kay Project Coordinator Sonia Almazan layon nito na maturuan ang mga partisipante, mga miyembro ng simbahan ng kaalaman hinggil sa iba’t-ibang pagluto at proseso ng paggawa ng pagkain buhat sa Niyog na maaring maibenta para sa dagdag kita ng pamilya o maari ring pangkabuhayan.

Moro People’s CORE, nagsagawa ng Lecture on Capability Build-up sa Kabacan


(Kabacan, North Cotabato/ May 1, 2013) ---Bilang pangunahing programa ng Moro People’s Core, nagsagawa ng Lecture on Capability Build-up ang organisasyon saknilang tanggapan na makikita sa USM Avenue, Kabacan, Cotabato, kamakalawa.

Ayon kay Moro P’Core Executive Director Zaynab Ampatuan naging kalahok sa nasabing aktibidad ang mga mag-aaral ng Kuntaw-Silat sa Barangay Poblacion ng nabanggit na bayan.

Force Multipliers ng PNP, bahagi ng pagpapalakas ng tiwala ng taong bayan sa kapulisan


(Kabacan, North Cotabato/ May 1, 2013) ---Nagpakalat ng karagdagang police force ang Kabacan PNP partikular sa mga matataong lugar tulad ng palengke, paaralan at business establishments.

Ayon kay Kabacan Chief of Police Supt. Leo Ajero, ito ay para mapalakas pa ng kapulisan ang pagbabantay laban sa mga masasamang loob na naglipana ngayon sa bayan.

2 Patay 1 sugatan sa banggaan ng motorsiklo at truck sa Matalam, North Cotabato

(Matalam, North Cotabato/ April 30, 2013) ---Patay ang dalawa katao habang sugatan ang isa pa makaraang masangkot sa aksidente sa daan ang sinasakyang motorsiklo alas 5:15 ng madaling araw kanina sa Matalam, North Cotabato.

Kinilala ng Matalam PNP ang mga binawian ng buhay na si Efren Cabayao, 55, may asawa, driver ng Kawasaki Bajaj at si Bernabe Balanag, backrider kapwa residente ng nabanggit na bayan.

Pulis na dinukot sa Cotabato Province, di pa natuntun ang kinaroroonan


(Pres. Roxas, North Cotabato/ April 30, 2013) ---Labis-labis na ang pagkabahala ngayon ng asawa at mga kaanak ni PO3 Maula Ali ng Arakan PNP na dinukot ng mga armadong kalalakihan sa Brgy. Bato, President Roxas habang papunta sa kanyang farm lot noong April 19.

Ito ay makaraang lumipas na ang mahigit isang linggo pero   wala pa ring balita ang pamilya sa kinaroroonan ng biktima.

“Black Propaganda, wag magpadala” –Cong. Catamco

(Kidapawan City/ April 29, 2013) ---Tinawag ngayong black propaganda ni 2nd District Representative Nancy Catamco ang mga lumalabas na paninira laban sa kanya at iginiit nitong walang katotohanan ang mga paratang ng mga kalaban nito sa pulitika.

Ito ang naging reaksiyon ng kongresista makaraang lumabas ang mga kumakalat na posters na kaalyado na umano nito si dating Governor Manny Piñol na ngayon ay tumatakbo bilang gobernador sa probinsiya sa ilalim ng Nationalist People’s Coalition o NPC.

Illegal Quarry sa bayan ng Matalam, talamak; mahigit 10 mga operators na lumalabag huli ng Matalam PNP


(Matalam, North Cotabato/ April 29, 2013) ---Nagpapatuloy ngayon ang serye ng operasyon ng Matalam PNP hinggil sa talamak na illegal quarry at transportation ng sand and gravel sa mga brgy sa bayan ng Matalam.

Ayon kay Operation Officer SP04 Froilan Gravidez ng Matalam PNP katunayan isa katao ang kanilang nahuli noong Sabado ng umaga.

Ilang Service erya na sakop ng Cotelco sa Kabacan; nakaranas ng 9 na oras na brown out kahapon


(Kabacan, North Cotabato/ April 29, 2013) ---Abot sa siyam na oras na brown-out ang naranasan ng ilang mga service erya na sakop ng Cotabato Electric Cooperative, Inc. o Cotelco kahapon.

Batay sa impormasyon, nagkaroon umano ng pay-outing sa substation ng feeder line 336 conductor wire at rehabilitasyon ng 69KV line ng cotelco dahilan ng nasabing mahabang kalawan ng kuryente kahapon.

Deployment ng mga police sa Kabacan, pinalalakas –hepe ng Kabacan PNP


(Carmen, North Cotabato/ April 29, 2013) ---Mas pinalalakas pa ngayon ng Kabacan PNP ang kanilang deployment sa kanilang tropa para tiyakin ang seguridad sa bawat sulok ng Kabacan, partikular sa Poblacion.

Ito ang inihayag ni Supt. Leo Ajero sa panayam sa kanya ng DXVL 94.9 Radyo ng Bayan kungsaan ang nabanggit na lugar ang kadalasang pinangyayarihan ng krimen.

Pagbaril sa kandidatong tumatakbo bilang Board member, walang katotohanan -PNP


(Kabacan, North Cotabato/ April 29, 2013) ---Walang katotohanan ang mga kumakalat na ulat na may isang kandidatong tumatakbo bilang board member ng 3rd District ng North Cotabato na binaril diumano sa Kabacan, pasado alas 5:00 kahapon.

Ito ang kinumpirma ni Supt. Leo Ajero, hepe ng Kabacan PNP sa panayam sa kanya ng DXVL Radyo ng Bayan.

Tumatakbong councilor sa bayan ng Banisilan, North Cotabato; patay sa pamamaril

(Banisilan, North Cotabato/ April 29, 2013) ---Patay ang isang tumatakbong councilor sa ilalim ng partidong UNA sa bayan ng Banisilan makaraang pagbabarilin sa Purok New Paradise, Poblacion ng nabanggit na bayan bago mag-alas 7:00 kagabi.

Kinilala ng Banisilan Police ang biktima na si Omar Cabilo Gapor residente ng nabanggit na lugar, kandidato sa pagka konsehal.

MSWDO Kabacan at Day care teachers tutulak sa Compostela Valley


(Kabacan, North Cotabato/ April 27, 2013) ---Magsasagawa ng Field Exposure sa tinamaan ng matinding hagupit na Bagyong Pablo ang Municipal Social Welfare and Development Office at ang Day Care teachers ng LGU Kabacan.

Tutulak ang grupo sa April 27 at 28 para sa nasabing aktibidad.

Mahigit 100 mga kabataan sa Kabacan naging benepisyaryo ng libreng tuli ng RHU


(Kabacan, North Cotabato/ April 27, 2013) ---Abot sa 117 mga kabataan ang naging benepisyaryo ng “operation tuli” sa ilang mga piling brgy ng Kabacan ngayong summer.

Ito ang nabatid mula kay Municipal Disease Surveillance Officer Honey Joy Cabellon kungsaan isinagawa ang nasabing aktibidad ng Rural Health Unit ng Kabacan sa mga brgy ng Pisan, Bangilan at Dagupan.

Single motorcycle vs tricycle; 2 sugatan


(Kabacan, North Cotabato/ April 27, 2013) ---Sugatan ang dalawa katao makaraang masangkot ang sinasakyan nitong Honda XRM motorcycle sa nangyaring banggan sa Corner Abellera at Miracle St., Pobalcion, Kabacan alas 3:30 kahapon.

Kinilala ni P01 Amor Guillermo ng Kabacan PNP Traffic division ang mga sugatan na sina: Wowie Mamangkas driver ng XRM at ang angkas nitong sina Maira Alamada at Marilyn Salkit na agad namang isinugod sa USM Hospital para mabigyan ng medical na atensyon.

Ilang mga election paraphernalia’s dumating na sa LGU Kabacan


(Kabacan, North Cotabato/ April 26, 2013) ---Dumating noong Martes sa LGU Kabacan ang ilang mga election paraphernalia’s.

Ito ayon kay Municipal Treasurer Precy Quiñones sa panayam ng DXVL Radyo ng Bayan.
Aniya ang nasabing mga gamit sa election ay kanilang kinuha sa Provincial Comelec ng North Cotabato sa Amas, Kidapawan City.

Mahabang brown-out; aasahan pa daw sa buwan ng Pasukan


(Matalam, North Cotabato/ April 26, 2013) ---Mas lalala pa umano ang brown out sa mga service erya na sakop ng Cotabato Electric Cooperative, Inc. o Cotelco sa pagpasok ng buwan ng Hunyo ng kasalukuyang taon.

Ito ang sinabi ni Cotelco General Manager Godofredo Homez sa harap ng mga kasapi ng Multi-Sectoral Electrification Advisory Council (MSEAC) at ng BAPA sa isinagawang conference kahapon ng umaga.

Bahay ng Municipal councilor sa Kabacan, hinagisan ng granada


(Kabacan, North Cotabato/ April 26, 2013) ---Tinapunan ng granada ng mga di pa nakilalang mga salarin ang bahay ni Councilor George Manuel na nasa Luna St., Purok Masagana, Poblacion, Kabacan, Cotabato alas 6:30 kagabi.

Sa eksklusibong interbyu ng DXVL 94.9 Radyo ng Bayan sa opisyal nagdulot ng pinsala sa pader at balkonaye ng bahay nito ang sumabog na granada na inihagis sa mismong tahanan nito.

Mababang Presyo ng Rubber Cup Lum sa Merkado; inalmahan ng mga rubber farmer at tapper sa North Cotabato


(Kidapawan city/ April 25, 2013) ---Dismayado ngayon ang mga rubber farmer at tapper sa North Cotabato dahil sa mababang presyo ng rubber cup lump sa merkado.

Ayon sa report naglalaro lang kasi ang presyo nito sa P35-P36 kada kilo na para sa mga magsasaka ay mababa at hindi makatarungang presyo.

Binuong Fact Finding ng CHED, nagsasagawa na ng data gathering


(Kabacan, North Cotabato/ April 25, 2013) ---Nagsasagawa na ngayon ng data gathering ang binuong fact finding ng Commission on Higher Education o CHED hinggil sa nangyaring gusot sa University of Southern Mindanao o USM.

Ito ang ibinunyag ni Kabacan Ambassadress for Peace at dating alkalde Luzviminda Jumuad Tan sa panayam ng DXVL News kahapon.

Comelec at PNP Matalam, nanguna sa isinagawang operation baklas


(Matalam, North Cotabato/ April 25, 2013) ---Tinanggal ng Comelec Matalam ang mga posters ng mga pasaway na kandidato na wala sa common poster area sa bayan ng Matalam kahapon.

Nanguna sa nasabing operation baklas si Matalam Comelec Election Officer Jocelyn Obrique kasama ng Matalam PNP na nagbigay ng seguridad sa nasabing operasyon.

Sa panayam ng DXVL News 94.9 Radyo ng Bayan kay Operation Officer SP04 Froilan Gravidez na marami kasi sa Poblacion ng Matalam ang mga propaganda ng mga pulitiko na wala sa tamang lugar.

17 medalya, nakuha ng rehiyon 12 sa ikalawang araw ng palaro 2013


(Dumaguete City/April 25, 2013) ---Abot na sa 17 ang kabuuang medalya ang nakuha ng Rehiyon 12 bago pa man nagtapos ang ikalawang araw ng laro kahapon sa nagpapatuloy na Palarong Pambansa 2013 sa Dumaguete city.

Ayon sa pinakahuling report ng Regional Documentor’s team anim na mga gintong medalya na ang nasungkit ng Rehiyon bukod pa sa limang silver at anim na mga bronze.

Daan-daang kabataan mula sa North Cotabato makikiisa sa massive tree planting sa Compostela Valley


(North Cotabato/ April 24, 2013) ---Tinatayang abot sa 500 na mga kabataang kasapi ng Tulong Kabataan Volunteers North Cotabato Chapter ang tutulak patungong Compostela Valley para sa isang massive tree planting sa April 28.

Ayon TKV-North Cotabato, makikiisa ang mga miyembro sa iba  pang kabataan sa Mindanao na sabay-sabay na pupunta sa Barangay Nga-an sa Compostela para pagtatanim ng daan-daang endemic trees doon.

Kidapawan City LGU, walang gen set; nirereklamo dahil mga transaksiyon sa gobyerno nababalam


(Kidapawan City/ April 24, 2013) ---Kinuwestiyon ng ilang sektor sa Kidapawan City ang kawalan ng generator ng Kidapawan City hall.

Matagal na raw dapat nakabili ng generator set ang LGU dahil importante ito lalo pa’t napakaraming transaksiyon ang nababalam kapag may brownout.

Mga nakumpiskang illegal na troso, naipamahagi sa ilang mga pampublikong paaralan sa Kabacan


(Kabacan, North Cotabato/ April 24, 2013) ---Abot sa 1,600 board feet na mga illegal na kahoy ang ipinamahagi sa isang paaralan sa brgy Pedtad kamakalawa.

Ang turn-over ng mga kinumpiskang mga illegal na troso ay pinangunahan ni Municipal Environment and Natural Resources Officer Jerry Laoagan na isinagawa sa Kabacan Municipal Police Station.

3 katao, arestado dahil sa illegal na sugal sa Pikit, North Cotabato


(Pikit, North Cotabato/ April 24, 2013) ---Arestado ang tatlo katao makaraang mahuli ng mga otoridad dahil sa pagpapataya ng illegal na sugal sa Poblacion ng Pikit alas 3:00 ng hapon kamakalawa.

Kinilala ni P/CInps. Jordine Maribojo, hepe ng Pikit PNP ang mga nahuli na sina: Anajoybel Quizon, nasa tamang edad, Elizabeth Nayona at Jovy Santander lahat residente ng bayan ng Pikit.

Lolo natagpuang patay makaraang pagbabarilin sa Pikit, Cotabato


(Pikit, North Cotabato/ April 24, 2013) ---Patay na ng matagpuan ng mga residente ang isang 71-anyos na lolo makaraang makaraang pagbabarilin sa Brgy. Takepan, Pikit, Cotabato alas 10:00 ng umaga kahapon.

Kinilala ni P/CInsp. Jordine Maribojo, hepe ng Pikit PNP ang biktima na si Bienvenido Pano, may-asawa at residente ng nabanggit na lugar.

3 medalyang ginto, nasungkit ng CRAA sa unang araw ng Palarong Pambansa


(Dumaguete City/ April 24, 2013) ---Tatlong medalyang ginto na ang nakuha ng Cotabato Regional Athletic Associaton o CRAA sa unang araw ng palarong pambansa 2013 na ginaganap ngayon sa Dumaguete city, Negros Oriental, ang host na nasabing pinakamalaking sports event sa pilipinas.

Kinilala ang gold medalist na si Ron Pama ng General Santos city sa mens artistic gymnastics.

Provincial Government ng North Cotabato; nananawagan na sa agarang pagkakalaya ng kinidnap ng miyembro ng PNP Arakan


(Kidapawan City/ April 23, 2013) ---Ginagawa na ng North Cotabato Provincial Government ang lahat ng paraan para marekober ng buhay ang dinukot na PNP Arakan member na si PO3 Maula Ali.

Ayon kay North Cotabato Governor Emylou Talinio-Mendoza, kumikilos ang PNP North Cotabato para matiyak kung sino ang mga dumukot kay PO3 Ali at kung saan ito dinala.

Kaso ng Dengue sa Kabacan, tumaas ng tatlong beses


(Kabacan, North Cotabato/ April 23, 2013) ---Tumaas ng tatlong beses ang kaso ng dengue sa Kabacan ngayong unang quarter ng taon kung ikukumpara sa kaparehong quarter noong nakaraang taon.

Ito ang nabatid mula kay Disease Surveillance and Health Emergency and Management Coordinator Honey Joy Cabellon kungsaan umabot sa kabuuang 40 ang naitalang kaso ng nasabing sakit mula buwan ng Enero hanggang Marso.

Atleta ng North cotabato, umaasa na makakauwi ng Medalya sa Palarong Pambansa


(Kidapawan City/ April 23, 2013) ---Malaki raw ang pag-asa na makakapag-uwi ng medalya ang abot sa 80 mga atleta mula sa North Cotabato sa Palarong Pambansa sa Lomberto Sports Complex, Dumaguete City na nagsimula na nitong Linggo.

Ayon kay DepEd Cotabato Schools Division Sports Coordinator and Trainer Ed Rosete, ito ay matapos ang dibdibang training ng mga atleta sa larangan ng basketball, baseball, football at mga indoor sports.

Missing Disbursing Officer ng kidapawan city LGU; nahaharap sa 30 arrest warrants


(Kidapawan City/ April 23, 2013) ---Nagpalabas ng 30 warrant of arrest ang Regional Trial Court (RTC) laban sa dating kawani ng Kidapawan City na pinaniniwalaang dumispalko ng malaking halaga ng pera para sana sa sahod at honoraria ng mga casuals at job order ng lungsod noong nakaraang Hunyo 2012.

Pinaniniwalaang grupo ng mga magnanakaw ng motorsiklo sa Cotabato-Davao province aktibo na naman raw – ayon sa PNP Kidapawan


(Kidapawan City/ April 23, 2013) ---Inalarma ngayon ng Kidapawan City PNP ang publiko partikular na ang mga motorista sa muling pananalakay ng mga motorcycle theft sa lungsod.

Ito ay matapos na sabay tangayon ng mga di-kilalang suspect ang dalawang motorsiklo sa Purok Guava, Apo Sandawa Road, Brgy. Poblacion ng Kidapawan City noong nakaraang Biyernes.

Kauna-unahang Palm Oil Crushing Mill, itatayo sa probinsiya ng North Cotabato

(Carmen, North Cotabato/ April 22, 2013) ---Isinagawa kaninang umaga ang ground breaking ng itatayong kauna-unahang New Palm Oil Crushing Mill sa Palm Oil Factory Site na nasa Brgy. Tacupan, Carmen, North Cotabato.

Nanguna sa nasabing ground breaking si Cotabato Gov. Emmylou “Lala” Taliño Mendoza kungsaan ang nasabing proyekto ay isang joint venture sa Univanich Palm Oil Public Company buhat sa bansang Thailand na dinaluhan mismo ng chairman na si Mr. Apirag Vanich.

Kasapi ng PNP, inabduct sa Pres. Roxas, North Cotabato?

(Pres. Roxas, North Cotabato/ April 19, 2013) ---Isang miyembro ng Pambansang Pulisya ng Pilipinas na naka-assigned sa bayan ng Arakan ang pinaniniwalaang kinidnap ng mga di pa nakilalang mga armadong kalalakihan sa probinsiya ng Cotabato kaninang umaga.

Kinilala ni Municipal administrator Felix Patrimonio ang biktima na si Police Officer 2 Mike Ali ng Arakan municipal police station.

Residential House sa loob ng USM compound, muntik ng madilaan ng apoy


(USM compound, Kabacan, North cotabato/ April 19, 2013) ---Muntik ng masunog ang isang residential house na nasa USM Housing sakop ng USM compound, Poblacion, Kabacan, Cotabato alas 9:45 kaninang umaga.

Sa panayam kay Fire Senior Insp. Ibrahim Guiamalon bagama’t di nadamay ang bahay na inuukupa ni Esperanza Carumba, 59 na taong gulang at residente ng nabanggit na lugar.

18-anyos na dalaga; huli sa Pikit, Cotabato dahil sa sugal


(Pikit, North Cotabato/ April 19, 2013) ---Huli ng mga otoridad ang isang 18-anyos na dalaga makaraang masangkot sa illegal na sugal sa Poblacion, Pikit, Cotabato kamakalawa.

Kinilala ni P/CInsp. Jordine Maribojo, hepe ng Pikit PNP ang suspek na si Janice Rodrigues, walang asawa at residente ng Brgy. Silik ng nabanggit na bayan.

4 katao na suspek sa illegal mining sa Pigcawayan; sinampahan na ng kaso


(Pigcawayan, North Cotabato/ April 19, 2013) ---Kasong paglabag sa RA 7942 o Philippine Mining Act of 1995 ang kinakaharap ngayon ng apat katao makaraang mahuli sa illegal mining activity sa Sitio Lampaki, Brgy. Kimarayag, Pigcawayan, Cotabato.

Kinilala ni P/CInps. Joffrey Todeño, hepe ng Pigcawayan PNP ang mga suspek na sina: Michael Sadang, 32; Sonny Gattoc, 43; Nicasio Calpo, 38; Nelvin Revilla, 32 lahat residente ng Midsayap, North Cotabato.

Pag-indorso ni Gov. Mendoza kay FPJ Sacdalan na tumakbo bilang congressman ng 1st district ng North Cotabato, itinanggi


(Midsayap, North Cotabato/ April 19, 2013) ---Mariing itinanggi ni Fernando Sacdalan, tumatakbong congressman sa unang distrito ng North Cotabato ang umuugong na balita na siya ang pinatakbo ni Gov. Lala Mendoza.

Ito para kalabanin umano ang tiyuhin nitong incumbent congressman ng 1st District ng North Cotabato na si Susing Sacdalan.

One Strike Policy ng PNP dahilan ng pagkakalipat ng bagong Police Director ng Kidapawan City PNP


(Kidapawan City/ April 19, 2013) ---Umpisa na kahapon ang panunungkulan ng bagong itinalagang PNP Chief na si Supt. Chino Mamburam na nagsilbing hepe ng PNP Kidapawan mula Oct. 2008 hanggang Feb. 2012.

Pinalitan ni Mamburam sa posisyon bilang Police Director ng Kidapawan City PNP si Supt. Joseph Semillano kahapon.

P16 M Rice Processing Complex, sisimulan nang itayo sa North Cotabato


(Midsayap, North Cotabato/ April 19, 2013) ---Magandang balita ang ipinaabot ni Midsayap-Pigcawayan-Libungan-Northern Kabuntalan o MPLK Federation of Irrigators’ Associations President Dante Cudal sa mga kapwa nito magsasaka sa isinagawang Farmers’ Forum kahapon sa Kapayapaan Hall dito sa bayan.

Sinabi ni Cudal na aprubado na ang Rice Processing Complex na itatayo sa Barangay Sinawingan sa bayan ng Libungan, North Cotabato.

NPA patay sa nangyaring engkwentro sa Magpet, North Cotabato


(Magpet, North Cotabato/ April 18, 2013) ---Patay ang isang kasapi ng New People’s Army sa nangyaring sagupaan ng NPA at militar sa Magpet, North cotabato nitong Lunes.

Kaugnay nito, tumulong na ang International Committee of the Red Cross o ICRC Davao sa pagbaba mula sa bundok at pagdala sa ospital ng mga sugatang miyembro ng NPA sa engkuwentro ng army at NPA sa Barangay Don Panac bayan ng Magpet.

Ronda System sa mga Barangay sa Kabacan, isinusulong ng Kabacan PNP


(Kabacan, North Cotabato/ April 18, 2013) ---Umaapela ngayon ni Supt. Leo Ajero, hepe ng Kabacan PNP sa lahat ng mga brgy kapitan ng Kabacan ang paglalagay ng Ronda system sa mga brgy.

Ayon sa opisyal ang nasabing hakbang ay bahagi ng kanilang kampanya kontra talamak na nakawan ng motorsiklo sa bayan.

Carmen, North Cotabato sentro ng lindol


(Kidapawan City/ April 18, 2013) ---Nasa bayan ng Carmen, North cotabato ang sentro ng nangyaring lindol alas 5:51 ng hapon kahapon.  
                                            
Ito ayon kay Engr. Milo Tabigue ng Phivolcs Kidapawan sa panayam ng DXVL Radyo ng Bayan ngayong umaga.         

Summer Kids Peace Camp sa Kabacan, nagsimula na!


(Kabacan, North Cotabato/ April 16, 2013) ---Laksa-laksang mga grade 5 pupils sa Kabacan ang ngayon ay sumailalim sa taunang Summer Kids Peace Camp na nagsimula kahapon.

Ayon sa mga oraganizer ng nasabing aktibidad kagaya ng ibang mga munisipyo, magtatagal din ng tatlong araw ang naturang programa ng pamahalaang probinsiya sa pakikipagtulungan ng mga LGU at ng ilang mga Non government organization kagaya ng Moro P’core.

Mga inabandonang illegal cut logs, nasamsam ng mga otoridad


(Kabacan, North Cotabato/ April 15, 2013) ---Patuloy ngayon ang imbestigasyon ng mga otoridad sa inabandonang illegal cut logs na nakumpiska sa isang Watershed Area sa brgy. Pisan, Kabacan, Cotabato kamakalawa.

Nanguna sa pagkumpiska sa mga illegal na mga kahoy sa lugar si Municipal Environment and Natural Resources Officer Jerry Laoagan, , Kabacan Alert Team P/Insp. Tirso Pascual, MESPO SPO4 Enrique Cadiz, 7th IB 1Lt. Larry Valdez ng Philippine Army sa ilalim ng superbisyon ni Supt. Leo Ajero , hepe ng Kabacan PNP.

Mahigit 200K, danyos sa nangyaring sunog sa Kabacan, Cotabato


(Kabacan, North Cotabato/ April 15, 2013) ---Nilamon ng apoy ang dalawang bahay na nasa Matabay Plang, USM Compound, Kabacan, Cotabato alas 9:45 kahapon.

Ayon kay Fire Senior Inspector Ibrahim Guiamalon tinatayang nasa P250,000.00 ang kabuuang danyos sa nangyaring sunog.

Suspek sa pagbaril sa 48-anyos na lalaki sa Kabacan, tukoy na ng Kabacan PNP


(Kabacan, North Cotabato/ April 15, 2013) ---Tukoy na ng Kabacan PNP kung sinu ang mga suspek sa nangyaring pamamaril sa Brgy. Salapungan, Kabacan, Cotabato noong Huwebes ng hapon.

Bagama’t di muna isinapubliko ni Supt. Leo Ajero, hepe ng Kabacan PNP ng pagkakakilanlan, may sinusundan na ring motibo ang kanyang mga imbestigador sa nasabing insedente.

Mga mamamahayag sa South Central Mindanao, sumailalim sa 2-araw na NUJP election reporting training


(Kidapawan City/ April 16, 2013) ---Para sa mas magandang coverage ng May 2013 midterm election, isinailalim ang mga mamamahayag sa South Central Mindanao sa dalawang araw na election reporting training na inorganisa ng National Union of Journalists of the Philippines o NUJP.

Sinabi ni NUJP Pres. Kidapawan Chapter Malu Cadelina Manar na dapat ay nakapokus ang mga journalists sa mga issues, campaign profiles at campaign tactics ng mga pulitiko.

Nalin Flood Control Project, inaasahang maipatutupad pagkatapos ng eleksyon sa Mayo


(Midsayap, North Cotabato/ April 15, 2013) ---Umaaasa ang mga residente ng Barangay Nalin sa Midsayap, North Cotabato na masisimulan na ang Nalin Flood Control Project pagkatapos ng gaganaping eleksyon ngayong Mayo a-13.

Kaugnay ng mas lumalalang pagguho ng pampang ng Libungan River sa bahagi ng nabanggit na barangay ay gumawa na ng kaukulang aksyon ang Department of Public Works and Highways o DPWH Cotabato Second Engineering District.

Landmine, sumabog sa Makilala, North Cotabato

(Makilala, North Cotabato/ April 15, 2013) ---Ginulantang ng malakas na pagsabog ang mga residente ng Purok 2, Malasila, Makilala, North Cotabato alas 8:30 kagabi. 

Sa panayam ng DXVL Radyo ng Bayan kay 57th IB, PA spokesperson Lt. Col. Nasrullah Sema, wala namang may naiulat na nasawi o nasaktan sa nasabing pagsabog, pero naglikha ito ng takot at tensiyon sa mga residente sa lugar

2 Patay sa ambush sa Matalam, North Cotabato

(Matalam, North Cotabato/April 15, 2013) ---Patay ang dalawa katao makaraang paulanan ng bala ang kanilang sinasakyang Isuzu Hilander sa National Highway, Brgy. Kilada, Matalam, North Cotabato, pasado alas 3:00 ng madaling araw nitong Sabado.

Kinilala ng Matalam PNP ang mga biktima na sina Daniel Hermo Simon, 53 at Felixberto Badayos kapwa residente ng Old PC Baraacks, Sudapin, Kidapawan City.

Kalivungan Festival ng North Cotabato, 2nd place sa Aliwan Festival 2013

(Pasay city/ April 15, 2013) ---Naiuwi ng delegado ng North Cotabato ang ikalawang pwesto sa katatapos na Aliwan Festival 2013 na isinagawa sa Aliw Theater, CCP Complex, Pasay City, Maynila.

Ayon kay Provincial Tourism Focal Person Ralph Ryan Rafael, patunay lamang na ang mga contingent ng probinsiya ay di rin mabibitin sa mga pambansang kompetisyon.

PNP wala pang lead sa mga salarin sa panghahagis ng granada sa isang residential house sa Kabacan


(Kabacan, North Cotabato/ April 12, 2013) ---Blanko pa ngayon ang Kabacan PNP kung anu ang motibo sa nangyaring paghagis ng granada sa isang residential house na nasa Zamora St., Poblacion, Kabacan alas 7:00 ng gabi nitong Miyerkules.

Ayon sa report ng Kabacan PNP hinagisan ng mga di pa nakilalangmga salarin ang bahay ni Jona Baylen Raquel, 37 taong gulang, may asawa at negosyante.

48-anyos na lalaki, patay matapos pagtatagain at pagbabarilin sa Kabacan, Cotabato


(Kabacan, North Cotabato/ April 12, 2013) ---Bangkay na ng matagpuan ang katawan ng isang 48-anyos na lalaki makaraang pagtatagain at pagbabarilin ng di pa nakilalang salarin sa Brgy. Salapungan, Kabacan, Cotabato alas 3:00 kahapon ng hapon.

Kinilala ni PC/Insp. Jubernadine Panes, deputy Chief of Police ng Kabacan PNP ang biktima na si Nonoy Alera, may asawa at residente ng Kidapawan City.

Mag-asawa; pinagbabaril sa Kabacan, Mister Patay, Misis Kritikal


(Kabacan, North Cotabato/ April 12, 2013) ---Patay ang isang 57-taong gulang na mister habang nasa kritikal namang sitwasyon ang asawa nito makaraang pagbabarilin ang dalawa sa Aglipay St., Poblacion, Kabacan, Cotabato pasado alas 8:00 kagabi.

Kinilala ng Kabacan PNP ang mga biktima na sina Nestor Bautista, tricycle driver at ang asawa nitong si Carmelita Bautista, 45 taong gulang, kapwa residente ng Lower Paatan ng nabanggit na bayan.

4megawatts na contract ng Cotelco-PPALMA sa Therma South, nilagdaan na


(Matalam, North Cotabato/ April 12, 2013) ---Bagama’t pirmado na ang kontrata ng Cotabato Electric Cooperative, Inc. o Cotelco-PPALMa sa Therma South, hindi pa rin ito magiging solusyon sa napakahabang rotational brownout sa service area ng kooperatiba sa kasalukuyan.

Ayon kay OIC General Manager Felix Canja ang nasabing lagdaan na isinagawa kanina sa Cotelco Main Office sa Manubuan, Matalam ay bahagi ng kanilang long term solusyon sa kinakaharap na krisis sa enerhiya.

Seguridad sa 2 araw na graduation rites sa USM, inilatag na!


(USM, Kabacan, North Cotabato/ April 11, 2013) ---Inilatag na ng Security Services and Management ng University of Southern Mindanao ang security measures para sa dalawang araw na graduation rites ng USM na magsisimula bukas.

Sinabi ni Director for Security Services and Management Orlando Forro na humiling na ng augmentation troops ang kanyang pamunaun sa Pulisya at sa militar.

2 resolution; ihahain sa SB Kabacan hinggil sa Peace and Order ng bayan


(Kabacan, North Cotabato/ April 11, 2013) ---Matapos ang ilang mga nangyayaring kriminalidad sa bayan ng Kabacan, naghain ngayon ng dalawang resolusyon ang miyembro ng Municipal Peace and Order Council sa isinagawang executive meeting kaninang umaga.

Napagkasunduan sa nasabing pagpupulong ang pagbubuo ng Task force na tututok sa mga krimen sa bayan.

Bahay ng isang negosyante sa Kabacan; hinagisan ng Granada!


(Kabacan, North Cotabato/ April 11, 2013) ---Naging tensyunado ang ilang mga resident eng Kabacan makaraang tinapunan ng granada ang isang residential House na nasa Zamora St., ng bayang ito alas 7:00 kagabi.

Ayon sa report ng Kabacan PNP inihagis ng mga di pa nakilalang salarin na riding in tandem sakay sa Single Honda TMX ang bahay ni Jona Baylen Raquel, 37 taong gulang, may asawa at negosyante.

Provincial Coordinating conference ng PNP at comelec, isasagawa ngayong araw


(Kabacan, North Cotabato/ April 11, 2013) ---Isasagawa ang Provincial Coordinating Conference sa Provincial Capitol, Amas, Kidapawan City ngayong araw.

Ito para plantsahin ang paghahanda ng Cotabato Police Provincial Office para sa nalalapit na halalan.

Ito ang sinabi sa DXVL Radyo ng Bayan ni Provincial Director S/Supt. Danilo Peralta kungsaan bahagi ito ng kanilang pagtitiyak nag awing maayos , mapayapa at tahimik ang idadaos na eleksoyon sa probinsiya.

BIR Kidapawan; magbubukas sa April 13


(Kidapawan City/ April 11, 2013) ---Magbubukas ang tanggapan ng Bureau of Internal Revenue Kidapawan District sa April 13, araw ng Sabado o dalawang araw bago ang deadline ng filing ng Income Tax Return saApril 15.

Ayon kay BIR Kidapawan District 108 OIC Venerando Homez, ito ay para ma-accommodate pa ng kanilang opisina ang mga taxpayers na di pa nakakasumite ng kanilang ITR.

Clustered graduation, tampok sa 67th Commencement Exercises ng USM


(USM, Kabacan, North Cotabato/ April 11, 2013) ---Abot sa 2, 120 ang kabuuang mag-aaral ng University of Southern Mindanao Main Campus buhat dito sa Kabacan, North Cotabato ang mag-mamartsa sa araw ng kanilang pagtatapos ngayong Abril a-13.

Ito ang napag-alaman kay University Registrar Lucia Cabangbang kungsaan tatlong clustered ang graduation sa USM ngayong taon.

Mahigit 50 mga motorista huli ng Makilala PNP dahil sa paglabag sa mga batas trapiko


(Makilala, North Cotabato/ April 11, 2013) ---MakilalaMahigit limampung mga motorista na ang na-intercept ng Makilala PNP dahil sa iba’t-ibang traffic violations sa unang quarter ng 2013.

Ayon kay Makilala PNP Chief of Police Inspector Rizal Alulod, kabilang sa mga violation ay ang pagbiyahe ng walang suot na helmet, no license plate, driving without license at iba pa.

2,120 na estudyante ng USM, mamartsa sa gagawing cluster graduation ng Pamantasan

(USM, Kabacan, North Cotabato/ April 11, 2013) ---Isang araw bago ang cluster graduation sa University of Southern Mindanao, puspusan na ang paghahanda ng pamunuan ng USM hinggil sa nasabing programa.

Ayon kay University Registrar Lucia Cabangbang 2,120 ang kabuuang mag-aaral ng USM Main campus ang magmamartsa sa 67th Commencement Exercises ng Unibersidad.

2 bayan sa North Cotabato, minomonitor ng Cotabato PNP


(Kabacan, North Cotabato/ April 10, 2013) ---Dalawang munisipyo dito sa probinsiya ng North cotabato ang tinututukan ngayon ng mga otoridad sa nalalapit na halalan ngayong Mayo 13.

Ayon kay Police Provincial Director S/Supt. Danilo Peralta ang nasabing mga bayan na kanilang minomonitor ay ang Banisilan at ang bayan ng Midsayap.

Fact-Finding Committee, di makakarating ngayong araw


(USM, Kabacan, North Cotabato/ April 10, 2013) ---Hindi pa nakukumpleto ang binuong Fact Finding Committee dahilan kung bakit di makakarating ang mga ito ngayong araw dito sa University of Southern Mindanao o USM Main campus.

Ito ang sinabi sa DXVL Radyo ng Bayan ni Mr. William dela Torre, isa sa mga tumatayong tagapagsalita ng raliyesta.

North Cotabato Zero pa sa election related incidents; kampanya sa lokal patuloy na minomonitor ng PNP


(Kabacan, North Cotabato/ April 10, 2013) ---Patuloy ang ginagawang koordinasyon ngayon ng Cotabato Provincial Police Office sa Commission on Elections o Comelec at sa Hukbong Sandatahang Lakas ng Pilipinas.

Ito para tiyaking maayos, tahimik at mapayapa ang gagawing halalan sa Mayo a-13, 2013.

Kaugnay nito, sinabi sa DXVL Radyo ng Bayan ni Provincial Director S/Supt. Danilo Peralta na wala pang eleksiyon related incident na naitala sa probinsiya.

North Cotabato PNP, todo handa na sa nalalapit na halalan


(Kabacan, North Cotabato/ April 10, 2013) ---Pinaplantsa na ngayon ng Cotabato Police Provincial Office ang mga inilatag nilang paghahanda para sa nalalapit na halalan.

Ito ang ginawang pagtitiyak ni Provincial Director S/Supt. Danilo Peralta sa interbyu ng DXVL Radyo ng Bayan kungsaan magsasagawa sila ng Provincial Coordinating Conference sa bukas sa Provincial Capitol, Amas, Kidapawan City.

(Update) Napabayaang kandila, posibleng pinagmulan ng sunog sa Mirriam’s Dormitory -BFP


(Kabacan, North Cotabato/ April 10, 2013) ---Muling nagpaalala ngayon si Fire Senior Inspector Ibrahim Guiamalon sa publiko ng ilang mga safety tips, makaraang mangyari ang sunog sa dalawang palapag na Miriam’s Dormitoryo na nasa Arcedo St., Poblacion ng Kabacan pasado alas 10:00 kagabi.   
                                                                                                         
Sinabi nito na dapat unahin alamin ng mga occupants ang mga daanan palabas sa isang gusali o bahay o boarding house kung may mangyari disaster o kahalintulad na insedente, dapat ding tiyakin ng publiko na hindi overloaded ang connection ng kanilang kuryente at una sa lahat ay isipin ang kaligtasan sa anumang sakuna.      

2 palapag na dormitoryo; natupok ng apoy sa Kabacan, Cotabato


(Kabacan, North Cotabato/ April 9, 2013) ---Nasunog ang dalawang palapag na dormitoryo na nasa Arcedo St., Poblacion, Kabacan, Cotabato pasado alas 10:00 ngayong gabi lamang.

Sa eksklusibong panayam ng DXVL Radyo ng Bayan kay Purok President Aida Vallescas nabatid na ang nasunod na dormitoryo ay lumang bahay at karamihan ay gawa sa kahoy.

Fact Finding Committee; inaasahang darating bukas sa USM


(USM, Kabacan, North Cotabato/ April 9, 2013) ---Mangunguna ang binuong Fact Finding Committee ng Commission on Higher Education o CHED sa pagsisiyasat ng pinag-ugatan ng gusot sa University of Southern Mindanao o USM.

Ito ang sinabi sa DXVL News kahapon ni Mr. William dela Torre, isa sa mga tumatayong tagapagsalita ng mga raliyesta, inaasahan na nila ang pagdating ng FFC team bukas, ito ayon kay OIC Dr. Teresita Cambel.

COTELCO-PPALMA Management humingi ng paumanhin sa mga konsumidores nito


(Midsayap, North Cotabato/ April 9, 2013) ---Dahil sa nararanasang ‘rotational brownout’ partikular sa mga bayang siniserbisyuhan ng Cotabato Electric Cooperative o COTELCO-PPALMA ay humingi ng paumanhin ang pamunuan ng kooperatiba sa mga konsumidores nito.

Ipinahayagag ni COTELCO- PPALMA OIC Manager Felix Canja ang ‘sincere apologies’ ng kooperatiba dahil sa kakulangan ng suplay ng kuryente para sa distrito uno ng North Cotabato, ito ayon sa report ni DXVL PPALMA News Correspondent Roderick Bautista.

0-17 buwang sanggol sa Kabacan, isasailalim sa Garantisadong Pambata Program ng DOH


(Kabacan, North Cotabato/ April 9, 2013) ---Sasailalim sa Garantisadong Pambata Program ang mga 17 buwang sanggol pababa na mga bata sa bayan ng Kabacan bilang taunang programa ng Department Of Health o DOH.

Sa panayam ng DXVL Radyo ng Bayan  kay Municipal Health Emergency Management staff Honey Joy Cabellon, RN gagawin sa April 15 hanggang sa Mayo a-22 ng kasalukuyang taon ang nasabing aktibidad.

Generator set; nakatakdang bibilhin ng Cotelco para pangdagdag sa supply ng kuryente


(Kabacan, North Cotabato/ April 9, 2013) ---Iginiit ng pamunuan ng Cotabato Electric Cooperative Inc., o Cotelco na nakatakdang bibili ang kooperatiba ng generator set para pandagdag sa supply ng kuryente.

Ito ayon kay Cotelco General Manager Godofredo Homez sa panayam ng DXVL Radyo ng Bayan para maibsan kung di man tuluyang matuldukan ang napakahabang brown-out na nararanasan sa mga service area ng Cotelco.

Ilang mga sasakyan, partikular na ang mga tricycle sa Kabacan; may nakalagay na pol ad kahit bawal sa comelec


(Kabacan, North Cotabato/ April 9, 2013) ---Kahit na ipinagbawal na ng Commission on Elections o COMELEC, marami pa ring mga tricycle driver ang naglalagay ng mga campaign ads sa kanilang sasakyan.

Sa Kabacan, ilan sa mga namataan ng Botohan 2013 Newsteam ng DXVL ay nakalagay sa likurang bahagi ng driver’s seat ang larawan ng mga kandidato habang ang iba ay nasa harapan ng tricycle.

Masterlist ng mga registered voters ng Kabacan; nakahanda na; botante ng bayan, tumaas


(Kabacan, North Cotabato/ April 9, 2013) --- Handa na ang Commission on Election o Comelec Kabacan para sa nalalapit na halalan sa Mayo a-13, 2013.

Ito ang ginawang pagtitiyak ngayong hapon sa DXVL Radyo ng Bayan ni Kabacan Election Officer Josephine Macapas, ang bagong itinalagang municipal election officer ng bayan.

25-anyos na lalaki, sugatan makaraang pagbabarilin sa Kabacan


(Kabacan, North Cotabato/ April 8, 2013) ---Pinagbabaril ng di pa nakilalang suspek ang isang 25-anyos na lalaki sa Sinamar 2, Poblacion, Kabacan, Cotabato alas 9:30 kagabi.

Kinilala ng Kabacan PNP ang biktima na si Michael Galay residente ng nabanggit na lugar.
Ayon sa inisyal na pagsisiyasat ng mga pulisya pinaulanan ng bala ang suspek habang nasa labas ito ng kanilang bahay, 15 metro ang layo.

IPHO North Cotabato, nananawagan sa publiko na pabakunahan ang kanilang alagang aso; kasunod ng apat na ang patay dahil sa rabies


(Kabacan, North Cotabato/ April 8, 2013) ---Apat katao na ang namatay dahil umano sa kagat ng aso dito sa Cotabato province nitong unang quarter ng taong 2013.

Dahil dito nanawagan ang Integrated Provincial Health Office (IPHO) sa may mga alagang aso na kailangan ng mga ito ng anti-vaccine.

LGU Kabacan; bumalangkas ng Oplan USM para tutukan ang krisis na kinakaharap ng Unibersidad


(USM, Kabacan, North Cotabato/ April 5, 2013) ---Matapos bumalangkas ng mga posibleng solusyon ang Municipal Peace and Order Council ng LGU Kabacan nitong nakaraang linggo hinggil sa nagpapatuloy na gusot sa University of Southern Mindanao.

Nagpalabas ngayon ng isang “open letter” si Kabacan Mayor George Tan ng kanyang binuong oversight committee, bilang chairman para bigyang pansin ang krisis sa USM.

Isang Paaralan sa Midsayap, Cotabato; pinasabugan


(Midsayap, North Cotabato/ April 5, 2013) ---Pinasabugan ng mga di pa nakilalang mga grupong armado ang isang Paaralan sa bayan ng Midsayap dito sa lalawigan ng Cotabato alas 11:00 kagabi.

Ayon kay North Cotabato PNP Provincial Director SSupt Danilo Peralta na pinaputukan ng bala ng m203 grenade launchers ang Kapinpilan Annex High School sa Brgy Kapinpilan ng nasabing bayan.

K5-isang NGO sa Kabacan, magsasagawa ng pre election activity kabilang na ang Peace Pact-signing sa mga lokal na kandidato ng Kabacan; bukas


(Kabacan, North Cotabato/ April 5, 2013) ---Magsasagawa ang Kilusan tungo sa Kapayapaan, Kalinisan at Kaunlaran ng Kabacan o K5 ng Voter’s Education, Peace Pact Signing at Candidates forum para sa mga kandidato sa Municipal Level na gagawin sa Notre Dame of Kabacan Inc. Pavilion bukas.

Ayon kay NDKI Peace and Advocacy Coordinator James Anthon Molina, magsisimula ang registration alas 8:00 ng umaga bukas.

Volunteer Marshall; ilalagay ng mga grupo ng raliyesta sa araw ng graduation sa USM

(USM, Kabacan, North Cotabato/ April 4, 2013) ---Iginiit ngayon ng kampo ng mga raliyesta na bukas ang USM Main gate para di magambala ang nagpapatuloy na enrollment ng mga mag-aaral ngayong summer. 
                                                                                                                  
Ito ang inihayag ngayong umaga sa DXVL radyo ng Bayan ni Dr. Alimen Sencil, tagapagsalita ng grupo ng raliyesta.    

Mga grade 5 Pupils sa Arakan, North Cotabato; isailalim sa Summer Peace Kids Camp ngayong araw



(Arakan, North Cotabato/ April 4, 2013) ---Abot sa higit sa dalawang libung mga mag-aaral ng grade 5 buhat sa iba’t-ibang mga elementary sa Arakan ang inaasahang sasailalim sa tatlong araw na Summer Kids Peace Camp na magsisimula ngayong araw.

Layunin ng programang ito na maturuan ang mga kabataan tungkol sa kapayapaan at respeto sa bawat isa.

PPALMA One Rice Mill Association, isinusulong sa North Cotabato


(Midsayap, North Cotabato/ April 3, 2013) ---Nagsagawa ng inisyal na hakbang ang Project Management Office ng PALMA-PB Alliance of Municipalities kaugnay ng iminumungkahing solusyon sa krisis ng kuryente.

Sinabi ni PALMA-PB Project Manager Orly Maraingan na may ginawa na silang ‘mapping’ ng malalaki at maliliit na rice millers sa buong distrito.

Reklamo hinggil sa mga campaign materials na nakakalat sa daan nakarating na sa Provincial Comelec ng North Cotabato


(North Cotabato/ April 3, 2013) ---Nakarating na kay COMELEC North Cotabato Acting Provincial Supervisor Atty. Kendatu Lagialam ang mga reklamo laban sa mga campaign materials na nakakalat sa daan.

Pero ayon kay Lagialam, wala pang formal complaint na isinampa sa kanyang tanggapan patungkol sa naturang mga reklamo.

NPA at militar nagkasagupa sa Makilala, North Cotabato


(Makilala, North Cotabato/ April 3, 2013) ---Nagkasagupa ang tropa ng 57th IB ng Philippine Army at New People’s Army sa Barangay Bulatukan, Makilala, North Cotabato noong Huwebes, isang araw bago ang anibersaryo ng pagkakatatag ng NPA.
Ayon kay Lt, Nasrullah Sema, Civil Military Operations Officer ng 57th IB, namataan ng army ang isang grupo ng armadong kalalakihan sa isang liblib na lugar ng barangay Bulatukan, alas dose ng tanghali noong Huwebes Santo.

Katawan ng lalaki na biktima ng salvaging natagpuan sa highway sa Makilala, N Cotabato



(Makilala, North Cotabato/April 3, 2013) ---Natagpuan duguan pero wala nang buhay ang katawan ng isang ‘di pa kilalang lalaki sa may Cotabato-Davao national highway, particular sa Makilala, North Cotabato, alas-6 ng umaga kahapon.
      
Ayon kay Inspector Rizal Alolod, hepe ng Makilala PNP, may tatlong tama sa ulo at tiyan ang lalaki.
      
Nang makita raw nila ang bangkay, balot pa ng masking tape ang mukha at nakatali ang mga kamay.
      

Mga residente ng ilang mga barangay sa Kidapawan City at Magpet, North Cotabato naalarma sa presensiya ng mga naka-bonnet at armadong kalalakihan


(North Cotabato/ April 3, 2013) ---Ilang beses na raw namataan ng mga residente ng mga barangay ng Bongolanon at Magcaalam sa Magpet at sa mga barangay ng Balabag at Perez sa Kidapawan City ang mga armadong grupo na umiikot sa kanilang lugar.

Bitbit daw ng mga ito ang iba’t-ibang uri ng armas at tila nag-momonitor sa mga barangay na pinapasok nila.

Kidapawan City PNP, may lead ng sinusundan sa serye ng holdapan sa lungsod


(Kidapawan City/ April 3, 2013) ---May mga suspect nang sinusundan ang Kidapawan City PNP sa serye ng hold-up sa Kidapawan City.

Ayon kay Supt. Joseph Semillano, Police Director ng Kidapawan City, iisa ang grupong nang holdap sa tatlong business establishment sa lungsod.

Isang organisasyon ng Lumad sa North Cotabato; magsasagawa ng fact-finding mission hinggil sa pagkamatay ng kanilang kasama


(Makilala, North Cotabato/April 3, 2013) ---Isasagawa ng Katribu, isang organisasyon ng mga Lumad sa North Cotabato ang isang fact-finding mission kaugnay ng pagkamatay ni Junnie Antac at pagkakasugat ni Roel Igkil sa Barangay Buhay, Makilala, North Cotabato noong nakaraang buwan.

Ayon sa Katribu, sadyang pinaslang si Igkil matapos na pumasok ito sa liblib na bahagi ng Brgy. Buhay para mag hunting.

Bakwet dumani sa sagupaan ng militar at BIFM sa Maguindanao


(Maguindanao, April 3, 2013) ---Mas dumami pa ngayon ang mga sibilyan na nagsilikas dahil sa takot na muling sumiklab ang sagupaan sa lalawigan ng Maguindanao.

Matatandaan na dakong 9 kagabi sinalikay ng mga miyembro ng Bangsamoro Islamic Freedom Movement (BIFM) ang detachment ng militar sa brgy Pagatin,Datu Piang Maguindanao.

Tumagal ng kalahating oras ang palitan ng putok sa magkabilang panig dahilan ng pagsilikas ng libo-libong mga residente.

Kandidato ng UNA sugatan makaraang tinambangan sa North Cotabato


(Banisilan, Cotabato/ April 3, 2013) ---Tatlo ang sugatan ng tambangan ng mga armadong grupo ang isang kandidato ng United Nationalist Alliance (UNA) kahapon dakong alas 5:20 ng hapon sa lalawigan ng Cotabato.

Nakilala ang biktima na si Banisilan Municipal Councilor Bobby Radjamuda na tumatakbo sa ikalawang termino nito sa ilalim ng UNA,sugatan naman ang kasama nitong sundalo na si Sgt Vernie Hollero ng 40th Infantry Battalion Philippine Army at driver na si Bobby Delfin.

USM Main gate, muling binuksan ng mga raliyesta kahapon ng hapon


(USM, Kabacan, North Cpotabato/ April 2, 2013) ---Para bigyang daan ang recognition day ng University Laboratory School ngayong araw, napagdesisyunan kahapon ng hapon ng Federation of Organization to Oust Derije  o FOOD ang muling pagbubukas sa USM Main gate alas 4:30 ng hapon kahapon.

Ito ayon kay Mr. William dela Torre, isa sa mga tumatayong lider ng mga nag-rarally sa University of Southern Mindanao.

2 mag-tutuba sa Kabacan, patay sa mga carnapper


(Kabacan, North Cotabato/ April 2, 2013) ---Carnapping o agaw motorsiklo ang tinitingnang motibo ng mga otoridad sa pamamaslang sa dalawang magtutuba na natagpuang patay sa Presto Sugarcane, Brgy. Sanggadong, Kabacan, Cotabato alas 12 ng tanghali kahapon.

Kinilala ng Kabacan PNP ang mga biktima na sina Michael Kagot at Tom Gabuyog nasa tamang edad at tuba vendor kapwa mga residente ng Sitio Liton, brgy. Kayaga ng bayang ito.

Buy and Sell sa Kabacan, hinold-up; di matukoy na halaga ng cash, natangay


(Kabacan, North Cotabato/ April 2, 2013) ---Hinold-up ng dalawang mga di pa nakilalang mga salarin ang Garcia Agri Buy and Sell na nasa National Highway, Brgy. Kayaga, Kabacan, Cotabato ala 1:30 kahapon ng hapon.

Ayon sa report ng Kabacan PNP tinutukan ng baril ang may ari ng nasabing establisiemento na si Geraldine Garcia nasa tamang edad.

Mga mangingisda sa lalawigan ng North Cotabato nakinabang sa fingerling dispersal ng OPA


(Amas, Kidapawan City/ April 2, 2013) ---Libu-libong mga fingerlings ang ipinamahagi sa mga fisherfolks sa lalawigan ng North cotabato sa unang quarter ng taong kasalukuyan.

Ayon kay Fisheries Chief Division Magdalena Gasang ang fingerlings dispersal ay isinagawa sa kanilang tanggapan na nasa Capitol compound, Amas, Kidapawan City.

36-anyos na lalaki, patay sa pamamaril sa Kabacan


(Kabacan, North Cotabato/ April 2, 2013) ---Patay ang isang 36-anyos na lalaki makaraang pagbabarilin ng tatlong mga di pa nakilalang mga salarin sa Purok 2, Brgy. Katidtuan, Kabacan, Cotabato alas 10:30 kahapon ng umaga.

Kinilala ng Kabacan PNP ang biktima na si Jerry Palen residente ng nabanggit na lugar.